ان قلت اببعد سحر عينك يقرّبني



مدري بصراحه وش اللي فيك يجذبني
صمتك .. هدوءك .. شموخك أو معاناتك


إن جيت يمك عطش بالحب تشربني
ليلٍ سهرته يذكرني بنجماتك

ان قلت اببعد سحر عينك يقرّبني
عمري ابتدا بين نبضاتك ونظراتك

تدري شعورك فرح أو حزن يعجبني
بعثرتني بين بسماتك ودمعاتك

فرقاك فيها دموع العين تغلبني
ياليتني غيمةٍ واعشق مسافاتك

وامطر على درب قلبك يامذوّبني
واصير غصنٍ حياته دون لمساتك


ناي الهوى صار وسط الروح يطربني
صوّرت ذاتي سفينه .. في بحر ذاتك

لك في ضلوعي يدين الشوق تحطبني
يروق جو المسا مع طيب نسماتك

ماودي اكذب .. خفوقي فيك تعّبني
مدري وش اسمي غرامي في حكاياتك؟

إن كان هذا عذاب .. ارجوك عذبني
وان كان حبي غلط .. يازين غلطاتك

عذاب الحب
اشقى ام عذاب الفراق
ام عذاب الضمير
ام عذاب من يكتب
وينزف احزانه على الورق
برئي هك الاكثر عرضة للختناق والحتراق ولموت شوقا

كل جرح بختصاص وكل محب
يتحمل من يحب